مش عارف

العسل المر

ودعيني
وسيبي كل شيئ يكون دمار
ودعيني
وماتخافيش بقيت احب طعم المرار
ودعيني
وخللي يومي كله ليل مالوش نهار
ودعيني
وانت كنت فاكره ان القرب ليكي جنه
ودعيني
خلاص دلوقتي بحب اعيش في نار
ودعيني
واعرفي ان قلبي اللي حبك عملته سجن
سجن سميته الوداع
سجن سميته حب ضاع
حبست فيه كل اللي سيبتيه من خداع
ولسه هاحبس دمعتي وكل اللي باع
ودعيني
واعرفي اني خلاص
مابقيتش استنى منك رجوع
وان عيني حلفت وقالت مفيش دموع
واني هادور على قلب مخلص وحب تاني
قلب طيب قلب يدي مش اناني
اهديله وردة في ضوء الشموع
ودعيني
كل اللي بينا بقى اسمه كان
حتى في خيالي ماعدشي ليكي ابداً مكان
لان طيفك او خيالك لو بايدي
كنت محتهم من المكان والزمان
وصدقيني
مابقيتش احبك فاعذريني
وقلبي اللي حبك جاي النهارده
بكل قوه وبكل نبضه ومشاعره بارده
جاي يقولك اكرهيني

أصعب قرار

وهلال رمضان مقرب
وبدره في السما باهي
لمحت طير ناحيتي بيهرب
وريشه في الظلام زاهي
حط بجناحه على بيتي
وقالي هاقولك سر
تسمع وتنفذ كلامي
او ماتنفذوش انت ياصاحبي حر
لازم تسيب البيت ده
خلاص مالكشي مكان
انا هابني عشي فيه
وتحته كام دكان
هابيع ياميش رمضان
وكنافة وبلح ولبان
وده مش كلامي لوحدي
دي رغبة كل الطيور
لازم تسيبنا بسرعه
ومن المكان ده تغور
انا قلت ايه السبب
بأي ذنب جنيته
قام رد الطير وقالي
وجعت دماغنا بكلامك
وعامللي فيها واعظ
يالا سمعنا سلامك
وبلاش حكم ومواعظ
ناديت لكل الطيور
ياعالم تعالوا هنا
انا موجود مابينكم
بقالي حوالي سنه
دانا كان كل مرادي
نعمل مع بعض عيله
اب لبناتي وولادي
ونكون اسره جميله
اتاري كل ده احلام
هوانتم عاوزين تعيشوا
في هيصه ودوشه وغرام
واهي عيشه ووقت ضايع
يخلص اوام اوام
واهي فتره والسلام
سهل اني اقوول وداع
وايه يعني حلمي ضاع
ولو عايزني امشي
ياريت تكون معلنه
مش كلمه في الخباثه
لازم تحبوا الصراحه
عمري ماهقعد غلاسه
وتقولوا في بعدك راحه
وان كان غيابي جنه انتم غيابكم نار
واديني مستني منكم اصدار اصعب قرار